Dövlət Başçısı Nikolas Maduronun prezident təyyarəsi Dominikan Respublikasında müsadirə edildikdən sonra Venesuela hökuməti ABŞ hakimiyyətini quldurluqda ittiham edib.

Sizinxeber.az xəbər verir ki, bunu Venesuelanın rabitə, mədəniyyət və turizm naziri Freddi Nanes bildirib.

“Venesuela Bolivar Respublikası beynəlxalq ictimaiyyətə bəyan edir ki, Amerika Birləşmiş Ştatlarının hakimiyyət orqanları növbəti dəfə yalnız quldurluq kimi qiymətləndirilə bilən cinayət əməli törədib”, - nazir qeyd edib.

Xatırladaq ki, ABŞ Dominikan Respublikasında Venesuela Prezidenti Nikolas Maduronun təyyarəsinə həbs qoyub.

Vaşinqton hesab edir ki, təyyarə Amerika sanksiyalarından yayınaraq alınıb.

Hava gəmisi bazar ertəsi Dominikan Respublikasından Floridaya aparılıb.

Təxminən 13 milyon dollar dəyərində olan təyyarə son bir neçə ay ərzində Dominikan Respublikasında olub.

Əməliyyatda ABŞ Ədliyyə Nazirliyinin, Daxili Təhlükəsizlik Nazirliyinin və ABŞ Ticarət Nazirliyi yanında Sənaye və Təhlükəsizlik Bürosunun əməkdaşları və onların Dominikan Respublikasındakı həmkarları iştirak ediblər.

Oxşar xəbərlər

ABŞ Venesuela Prezidenti Nikolas Maduronun təyyarəsinə həbs qoyub

KİV: ABŞ Venesuela Prezidentinin təyyarəsinə həbs qoyub

ABŞ Ədliyyə Nazirliyi Maduronun təyyarəsinin ələ keçirildiyini təsdiqləyib - YENİLƏNİB

ABŞ Ədliyyə Nazirliyi Nikolas Maduroya məxsus təyyarənin müsadirə edildiyini təsdiqləyib

Venesuela bəzi ölkələrdəki səfirlərini geri çağırıb