Ağ Evin mətbuat katibinin baş müavini Anna Kelli ABŞ prezidenti Donald Trampın Pentaqon rəhbəri Pit Heqseti və Mərkəzi Kəşfiyyat İdarəsinin (MKİ) direktoru Con Retkliffi İran sazişinə qarşı çıxdıqlarına görə işdən çıxarmağı düşündüyü barədə xəbərləri təkzib edib.

Sizinxeber.az xəbər verir ki, Kelli bu barədə öz “X” hesabında məlumat verib.

"Mən bu Danni Zaken haqqında heç vaxt eşitməmişdim. Ta ki o, Ağ Evlə əlaqə saxlamadan sistematik şəkildə saxta xəbərlər yaymağa başlayana qədər. Aydın olsun ki, bu təlxək nədən danışdığını bilmir və onun mənbələri, ehtimal ki, sadəcə beynindəki səslərdir", - Kelli yazıb.

Qeyd edək ki, "Israel Hayom" qəzetinin köşə yazarı Denni Zaken qəzetdə Trampın İranla razılaşmanı tənqid etdiklərinə görə Pentaqon rəhbəri və Mərkəzi Kəşfiyyat İdarəsinin direktoru da daxil olmaqla, administrasiyasının bir neçə yüksək vəzifəli üzvünü işdən çıxarmağı düşündüyünün iddia olunduğu məqalə dərc edib.

Oxşar xəbərlər

Con Retkliff MKİ direktoru kimi and içib

Rusiya və ABŞ kəşfiyyat xidmətlərinin rəhbərləri görüşə bilər

Reuters: Trampın komandası işdən çıxarılacaq Pentaqon zabitlərinin siyahısını hazırlayır

İrland teleaparıcı Henri Kelli 78 yaşında vəfat edib

Pentaqon rəhbəri işdən çıxarılacağından ehtiyatlanır