ABŞ və İran arasında silahlı münaqişəyə son qoymaq üçün yekun razılaşmalar, digər məsələlərlə yanaşı, Yaxın Şərqdəki Amerika qoşunlarının sayının azaldılmasını da əhatə edə bilər.

"Sizinxeber.az"un məlumatına görə, bu barədə ABŞ administrasiyasının yüksək vəzifəli rəsmisi tərəflər arasında anlaşma memorandumunun imzalanması ilə bağlı şərh verərkən bildirib.

Onun sözlərinə görə, Vaşinqton və Tehran arasında davam edəcək 60 günlük danışıqlar dövründə ABŞ gərginlik fonunda bölgəyə yerləşdirilən əlavə qüvvə və resursları geri çəkməyəcək. Administrasiya rəsmisi həmçinin vurğulayıb ki, Vaşinqton Tehranın öz öhdəliklərini yerinə yetirməsini gözləyir.

Onun sözlərinə görə, bu cür tədbirlərin həyata keçirilməsi yalnız İranın nüvə proqramının bir hissəsindən imtina etməsi də daxil olmaqla güzəştlər etməsi halında mümkündür.

Daha əvvəl xəbər verildiyi kimi, ABŞ, İran və Pakistan Yaxın Şərqdə hərbi əməliyyatlara son qoymaq məqsədi ilə əldə edilən razılaşmanı təsdiqləyiblər. Yekun sənədin iyunun 19-da Cenevrədə imzalanması gözlənilir.

Oxşar xəbərlər

Pakistan ABŞ-İran danışıqlarına ev sahibliyi etməyə hazırdır

Vens: ABŞ-İran sazişi bir neçə həftə və ya ay ərzində bağlana bilər

Tramp: Vaşinqton və Tehran birbaşa danışıqlar aparır

Tramp: Vaşinqton və Tehran birbaşa məsləhətləşmələr aparır

İran ABŞ-yə Yaxın Şərqdəki hərbçiləri ilə bağlı xəbərdarlıq edib