Rusiya və ABŞ kəşfiyyat xidmətlərinin rəhbərləri görüşə bilər

Rusiya Xarici Kəşfiyyat Xidmətinin (SVR) rəhbəri Sergey Narışkin ABŞ Mərkəzi Kəşfiyyat İdarəsinin (CİA) direktoru Con Retkliff ilə mümkün görüş barədə danışıb.

APA-nın Moskva bürosu xəbər verir ki, Narışkin amerikalı həmkarı ilə telefon danışığının olduğunu söyləyib.

"Bizim həmkarımızla, Mərkəzi Kəşfiyyat İdarəsinin direktoru ilə telefon danışığımız oldu. Çox konstruktiv söhbət oldu. Ona görə də bir müddət ərzində görüşün baş tutacağını istisna etmirəm", - SVR rəhbəri vurğulayıb.