ABŞ-ın yeni seçilmiş prezidenti Donald Trampın keçid komandası onun vəzifəyə başlamasından sonra vəzifəsindən uzaqlaşdırıla biləcək Pentaqon zabitlərinin siyahılarını hazırlayır.

Sizinxeber.az xəbər verir ki, bu barədə “Reuters” agentliyi mənbələrə istinadən məlumat yayıb.

Məlumata görə yanvarın 20-də Trampın andiçmə mərasimindən sonra vəzifəsini itirə biləcək ilk şəxslər arasında ABŞ Silahlı Qüvvələrinin Birləşmiş Qərargah Rəisləri Komitəsinin (CHS) sədri, general Çarlz Braun da var.

Bundan əlavə, Tramp administrasiyası dövründə 2019-cu ilin sentyabrında bu vəzifəni tutan və Co Bayden administrasiyasının rəhbərliyi altında 2023-cü ilin sentyabrında vəzifəsindən ayrılan ABŞ Ordusunun keçmiş Baş Qərargah rəisi Mark Milley ilə əlaqəli olan zabitlərin işdən çıxarılacağı gözlənilir. Milleyin əvvəllər dəfələrlə Trampın siyasətini tənqid atdiyi bildirilir.

“Reuters”in mənbələri qeyd edir ki, bir çox zabit vəzifələrindən uzaqlaşdırılacaq. Eyni zamanda agentliyin məlumat aldığı keçmiş və indiki ABŞ rəsmiləri hesab edirlər ki, böyük kadr dəyişikliyi lazım deyil və bu, Ukrayna böhranı və Yaxın Şərq münaqişəsinin kəskinləşməsi fonunda Pentaqonun fəaliyyətini pozacaq.

Oxşar xəbərlər

Harris Trampı faşist adlandırıb [xfgiven_updateblue][/xfgiven_updateblue]

ABŞ SQ Birləşmiş Qərargah Rəisləri Komitəsinin sədri İsrailə səfər edib [xfgiven_updateblue][/xfgiven_updateblue]

NYT: Trampın komandası Harrisə qarşı kampaniya hazırlayır [xfgiven_updateblue][/xfgiven_updateblue]

Ukrayna Zelenski-Tramp görüşü üçün hazırlıqlar görür [xfgiven_updateblue][/xfgiven_updateblue]

Reuters: Trampın qərargahı onun müşavirinin Ukrayna ilə bağlı bəyanatından imtina edib [xfgiven_updateblue][/xfgiven_updateblue]