ABŞ və İran arasındakı razılaşma İran neftinin ixracının dərhal bərpa olunması imkanını nəzərdə tutur.

"Sizinxeber.az" "The Wall Street Journal"a (WSJ) istinadən xəbər verir ki, bu barədə razılaşmanın şərtləri ilə tanış olan mənbələr bildiriblər.

Onların sözlərinə görə, ABŞ İrana neft və yanacaq satışına dərhal başlamağa icazə verəcək, bu da Tehranın münaqişəyə daha tez son qoyması üçün maliyyə stimulu olacaq.

Nəşr qeyd edib ki, razılaşma həmçinin bank və nəqliyyat məhdudiyyətlərinin yumşaldılmasını da nəzərdə tutur, bu da beynəlxalq əməliyyatların həyata keçirilməsini asanlaşdırmalı və nəzərəçarpacaq ilk iqtisadi təsirlərdən biri olmalıdır.

Neft satışına qoyulan sanksiyaların ləğvi ilə bağlı əsasnamələr bu həftə razılaşma imzalandıqdan dərhal sonra qüvvəyə minir.

Daha əvvəl Pakistanın Baş naziri Şahbaz Şərif ABŞ və İran arasında razılaşmanın əldə olunduğunu bildirib. Onun sözlərinə görə, sənədin iyunun 19-da İsveçrədə imzalanması planlaşdırılır, tərəflər isə artıq hərbi əməliyyatların dayandırılması barədə razılığa gəliblər.

Oxşar xəbərlər

Pakistanın Baş naziri: ABŞ və İran arasında razılaşma əldə edilib

Cozef Aun: ABŞ və İran arasındakı razılaşma İsrail və "Hizbullah" arasındakı münaqişəyə son qoyacaq

Tramp Hörmüz boğazından neft tankerlərinin hərəkətinin bərpa olunduğunu açıqlayıb

Koşta, Ursula fon der Lyayen və Kallas ABŞ və İran arasındakı razılaşmanı alqışlayıblar

ABŞ İran neftinin satışına icazə müddətini uzatmayacaq