ABŞ İraq və Suriyadakı hərbi bazalarına hücumlara hazırlıqdan xəbər tutub

ABŞ Ordusu İranın dəstəklədiyi qrupların İraq və ola bilsin Suriyadakı Amerika bazalarına hücum etməyə hazırlaşdıqlarına dair məlumatlar qeydə alıblar.

APA xəbər verir ki, bu barədə “The New York Times” (NYT) məlumat yayıb.

Nəşr qeyd edib ki, hələlik ABŞ ordusuna qarşı heç bir tədbir görülməyib və İraq hakimiyyəti qrupları ABŞ-nin İranın nüvə obyektlərinə endirdiyi zərbələrə cavab olaraq hücumlardan çəkinməyə inandırmağa çalışır.