İran İsrailin mümkün hücumuna dərhal cavab verəcəyini açıqlayıb.

Sizinxeber.az xəbər verir ki, bu barədə “The New York Times” mənbəyə istinadən məlumat yayıb.

Mənbə bildirib ki, İran ordusu və hökumət rəsmiləri İsrailin hücumu halında cavab tədbirləri müzakirə ediblər.

“İslam Respublikası yüzlərlə ballistik raketdən istifadə etməklə İsrailin ərazisinə dərhal əks hücumu nəzərdə tutan cavab planı hazırlayıb”, -qeyd edilib.

Qeyd edək ki, daha əvvəl CBS telekanalı məlumat yayıb ki, ABŞ rəsmiləri İsrailin İrana qarşı hərbi əməliyyata başlamağa hazır olması barədə məlumat alıblar.

“Axios”un məlumatına görə, ABŞ Prezidenti Donald Tramp iyunun 9-da telefon danışığında İsrailin Baş naziri Benyamin Netanyahuya belə bir addım atmaması barədə xəbərdarlıq edib.

Ötən gün İranın müdafiə naziri Əziz Nəsirzadə ABŞ-la müharibə olacağı təqdirdə, Yaxın Şərqdəki bütün Amerika hərbi bazalarına hücum ediləcəyini bildirib.

Oxşar xəbərlər

Netanyahu: İsrailin İranın raket hücumuna cavab verməyə hüququ var

İsrailin cavab hücumunda 2 İran əsgəri ölüb

İran İsrailin mümkün hücumuna qarşı bir neçə cavab variantı hazırlayıb

İran İsrailin hücumuna cavab verəcəyi təxmini vaxt açıqlanıb

XİN: İran İsrailin son hücumuna cavab verəcək