Amerika administrasiyasının bütün əsas nümayəndələri Ukraynadakı münaqişənin həlli prosesində iştirak edəcəklər.

"Sizinxeber.az"un məlumatına görə, bu barədə ABŞ prezidenti Donald Tramp Vaşinqtondan Viskonsinə gedərkən təyyarəsində jurnalistlərlə söhbətində bildirib.

ABŞ Prezidenti həmçinin sülh razılaşmasının əldə edilməsinin mümkünlüyünə əminliyini ifadə edərək, danışıqlar prosesinin nəticəyə yaxınlaşdığını qeyd edib.

"Hesab edirəm ki, bu işləyəcək. Razılaşmaya yaxınlaşırıq. Düşünürəm ki, bu işə yarayacaq", - ABŞ lideri vurğulayıb.

Onun sözlərinə görə, ABŞ artıq Ukraynaya pulsuz hərbi yardım göstərmir və təchizat kommersiya əsasında həyata keçirilir. Tramp həmçinin Ukraynadakı münaqişənin heç vaxt başlamamalı olduğunu bildirib və mövcud vəziyyəti qəbuledilməz adlandırıb.

Oxşar xəbərlər

Tramp yenidən Ukrayna nizamlanmasında “böyük irəliləyiş” olduğunu söyləyiob

Tramp yenidən Ukrayna nizamlanmasında “böyük irəliləyiş” olduğunu söyləyib

Uolts: Tramp Ukrayna məsələsində hazırkı administrasiya ilə işləyəcək

Tramp: Zelenski və Putinlə ikinci görüş Ukrayna üzrə razılaşma üçün şans ola bilər

Tramp Rusiya-Ukrayna müharibəsində bu həftə atəşkəsin əldə olunacağına ümid edir