ABŞ Prezidenti Donald Tramp yaxın vaxtlarda Ağ Evdə süni intellekt texnologiyalarının inkişafı sahəsində fəaliyyət göstərən aparıcı şirkətlərin rəhbərləri ilə görüş keçirəcəyini açıqlayıb.

Sizinxeber.az-nın məlumatına görə, Tramp bu barədə Viskonsin ştatına uçarkən jurnalistlərə açıqlamasında bildirib.

“Bu şirkətlərin hamısı ilə çox yaxın zamanda görüşüm planlaşdırılıb. Onların hamısı Ağ Evə gələcək. Yəqin ki, gələn həftə”, – deyə ABŞ prezidenti qeyd edib.

Tramp görüşdə yalnız iri texnologiya şirkətlərinin nümayəndələrinin iştirak edəcəyini vurğulayıb.

Onun sözlərinə görə, müzakirələrin əsas mövzularından biri dövlət və özəl sektor arasında süni intellekt sahəsində mümkün əməkdaşlıq olacaq.

ABŞ lideri görüşün detalları barədə əlavə məlumat verməyib.

Oxşar xəbərlər

Tramp ABŞ-da süni intellektin inkişafı ilə bağlı fərmanlar imzalayıb

Tramp Ağ Evdə Corcia Meloni ilə görüşəcək

Tramp: ABŞ yaxın vaxtlarda Kuba ilə razılaşma əldə edə bilər

Tramp: ABŞ və Azərbaycan arasında neft-qaz və müdafiə sahəsində böyük işlər görülüb

Tramp Putinin atəşkəslə bağlı qərarını alqışlayıb