Misli Premyer Liqasında XXXV tura start verilib.

"Sizinxeber.az"un məlumatına görə, ilk oyun günündə üç matç baş tutub.

"Turan Tovuz" səfərdə "Sumqayıt"ı məğlub edib - 1:0. Qonaqların heyətində Emmanuel Hakman 30-cu dəqiqədə fərqlənib. Xallarının sayını 52-yə çatdıran Tovuz klubu dördüncü sıradakı mövqeyini möhkəmləndirib. "Gənclik şəhəri" təmsilçisi 30 xalla doqquzuncu pillədə qalıb.

"Zirə" "Sabah"la heç-heçə edib - 1:1. "Qartallar"ın heyətində Giorgi Papunaşvili 26-cı dəqiqədə adını tabloya yazdırıb. Pavol Safranko 67-ci dəqiqədə tarazlığı bərpa edib.

İkinci yerdəki "Zirə"nin 71, beşinci sıradakı "Sabah"ın 45 xalı var.

"Araz-Naxçıvan" isə səfərdə "Şamaxı"ya qalib gəlib - 1:0. Qonaqlardan Felipe Santos 44-cü dəqiqədə rəqibi məyus edib. Xallarının sayını 58-ə çatdıran Naxçıvan təmsilçisi üçüncü pillədə qərarlaşıb və çempionatın bürünc mükafatçısı olub. Komanda ölkə UEFA Konfrans Liqasında təmsil edəcək. "Şamaxı" 36 xalla yeddincidir.

Qeyd edək ki, XXXV tura mayın 18-də yekun vurulacaq.

Oxşar xəbərlər

"Neftçi" "Araz-Naxçıvan"a məğlub olub

Premyer Liqa: XXXI turun sonuncu oyununda "Zirə" qələbə qazanıb

Premyer Liqa: Turun son oyununda "Araz-Naxçıvan" "Sumqayıt"ı məğlub edib

Premyer Liqa: "Qarabağ" "Zirə"ni məğlub edib

Premyer Liqa: "Qarabağ" "Sabah"ı məğlub edib