Türkiyə Super Liqasında bu gün "Qalatasaray" komandası səfərdə "Fənərbağça" ilə üz-üzə gələcək.

"Report" xəbər verir ki, ölkə çempionatının VI turunda keçiriləcək görüşü Atilla Karaoğlan idarə edəcək.

"Ülkər" stadionunda Bakı vaxtı ilə saat 21:00-da başlayacaq İstanbul derbisi komandalar arasında 135-ci olacaq. İndiyə qədər keçirilən görüşlərin 53-də "Fənərbağça", 37-də isə "Qalatasaray" qələbə qazanıb. Qalan 44 oyun heç-heçə nəticələnib. Komandaların aralarındakı son 10 matçda "Qalatasaray" 5, "Fənərbağça" 3 qələbə qazanıb. Digər iki oyun 0:0 hesablı heç-heçə ilə yekunlaşıb.

"Fənərbağça" klubu ölkə çempionatları tarixində "Qalatasaray"ı ən çox məğlub edən (53) və bu rəqibə ən çox qol vuran (163) kollektivdir.

"Qalatasaray" Okan Burukun rəhbərliyi altında "Fənərbağça"ya qarşı keçirdiyi son 4 oyunda cəmi bir dəfə məğlub olub (19 may 2024-cü il, 0:1).

Qeyd edək ki, "Qalatasaray" hazırda 15 xalla turnir cədvəlinə rəhbərlik edir. Joze Mourinyonun baş məşqçisi olduğu "Fənərbağça" isə 13 xalla ikinci pillədə qərarlaşıb.

Oxşar xəbərlər

Türkiyə Superliqası: "Fənərbağça" "Qalatasaray"ı qəbul edəcək [xfgiven_updateblue][/xfgiven_updateblue]

"Fənərbağça" - "Qalatasaray" matçının vaxtı müəyyənləşib [xfgiven_updateblue][/xfgiven_updateblue]

"Fənərbağça" - "Qalatasaray" oyununu idarə edəcək hakimin adı açıqlanıb [xfgiven_updateblue][/xfgiven_updateblue]

"Fənərbağça" - "Qalatasaray" oyununda qalib müəyyənləşməyib [xfgiven_updateblue][/xfgiven_updateblue]

“Fənərbağça” Türkiyə Superkubokunda “Qalatasaray”la oyunda meydanı tərk edib [xfgiven_updateblue][/xfgiven_updateblue]