Azərbaycanın U-21 yığmasının kapitanı Fərid Yusifli “Sizinxeber.az”a müsahibə verib. 22 yaşlı futbolçu millinin həm Lüksemburq, həm də Serbiyaya qarşı keçirdiyi oyunlara toxunub. F.Yusifli həmçinin Nəriman Axundzadənin Serbiya ilə matçda penaltini qola çevirə bilməməsinə münasibətini bildirib.

- Lüksemburqla oyun haqqında nə deyə bilərsiniz?

- 3 xal qazanmaq fikridə idik. Oyunumuz alınmadı, bizi yaxşı təhlil etmişdilər. Fərdi səhvlərimizdən qollar vurdular. Sonradan müdafiəyə çəkildilər və bizim üçün çətin oldu.

- Rəqibi təhlil etmişdiniz?

- Əlbəttə. Sadəcə, hücumlarımız istədiyimiz kimi alınmadı. Adi səhvlərimizdən vurduqları qollardan sonra bizə çətinlik yarandı.

- Serbiyaya qarşı oyun evdə idi və komandanın daha yaxşı oynayacağı, ən azı 1 xal qazanacağı gözlənilirdi…

- Serblərə qarşı oyuna əla başlamışdıq. Xeyli şans qaçırdıq. Həm birinci, həm də ikinci hissədə fürsətlərimiz oldu. Sadəcə, yaratdığımız qol vəziyyətlərindən istifadə edə bilmədik. Serbiya kimi yığmanı öz qapılarına tərəf çəkilməyə məcbur etmişdik. Sözsüz, bizim də səhvlərimiz oldu. Bu qədər şans qaçırdıqdan sonra qapımızda qol gördük.

- Bugünkü U-21-də çatışmayan əsas cəhətlər nədir?

- Futbolçuların öz klublarında oynamaması, ya da az oynaması. Rəqib oyunçular isə əksinə, öz çempionatlarında 90 dəqiqə oynayırlar.

- Samir Əliyev jurnalistlərə açıqlamasında da bildirmşdi ki, U-21-in futbolçuları klublarında az oynayır…

- Bəli, haqlıdır, tamamilə doğrudur. U-21-in kapitanı olmağıma baxmayaraq, çempionat başlayandan bəri cəmi 115 dəqiqə oynamışam.

- Sizcə, klublar niyə U-21-in futbolçularına az güvənirlər? Gənc olduqlarına görə, yoxsa başqa səbəblər var?

- Bu barədə dəqiq nəsə deyə bilmərəm. Əvvəllər gənc futbolçularla bağlı limit var idi. Yaşıdlarımız oynayırdı və bu yığmamız üçün faydalı idi. Gənclərimiz yetişirdi. Limitin sonradan aradan qaldırılması bəlkə də bizi geri saldı. Demirəm ki, U-21-in futbolçularının hamısı idealdır. Sadəcə, oyunlara daha hazırlıqlı getsəydik, bəlkə də nəticələr indikindən qat-qat yaxşı olardı.

- Nəriman Axundzadənin Serbiya ilə oyunda penaltidən yararlana bilməməsi ilə bağlı nə deyə bilərsiniz? Əsas yığmada da Ramil Şeydayev fərqlənə bilməmişdi...

- Futbolda baş verə biləcək, normal haldır. Səhv etmirəmsə, Nəriman Lüksemburqla ilk oyunda penaltidən qol vurmuşdu. Bu dəfə alınmadı.

- Bununla bağlı hər hansı söhbətiniz oldu?

- Bu, əsasən oyun içində olur. Biz komandadan əlavə, həm də ailəyik. Heç bir neqativ haldan söhbət gedə bilməz.

Oxşar xəbərlər

Azərbaycan millisinin üzvü: Səhvlər daha yaxşı nəticə göstərməyimizə mane oldu

Maksim Medvedev: Futbol oynaya və qol imkanları yarada bilirik - MÜSAHİBƏ

"Kəpəz"in vitse-kapitanı: Hər bir futbolçu özünü yeni baş məşqçiyə göstərməyə çalışacaq - MÜSAHİBƏ

İsveç millisinin baş məşqçisi: "Belə oyun təklif edirsənsə, rəqibə fürsətlər də vermiş olursan"