Xorvatiyanın "Dinamo" klubunun iki futbolçusu Bakıda "Qarabağ"a qarşı keçirəcəkləri UEFA Çempionlar Liqasının pley-off mərhələsinin cavab oyununu buraxa bilər.

"Report"un "Germanijak" nəşrinə istinadən məlumatına görə, Zaqreb təmsilçisində Stefan Ristovski və Ariyan Ademinin zədə səbəbindən meydana çıxmamaq ehtimalı var.

Ademi "Şibenik"ə qalib gəldikləri (3:0) çempionatın III turunun qarşılaşmasında sıradan çıxıb. O, bu səbəbdən Azərbaycan komandası ilə ilk görüşdə də iştirak etməmişdi.

Ristovski isə məhz "köhlən atlar"la dueldə əzələsindən zədə alıb. Onun da Bakıdakı matçda oynaması sual altındadır.

Qeyd edək ki, avqustun 20-də Zaqrebdəki "Maksimir" stadionunda baş tutan "Dinamo" - "Qarabağ" matçı meydan sahiblərinin 3:0 hesablı qələbəsi ilə yekunlaşıb. Tərəflər arasında cavab görüşü avqustun 28-də reallaşacaq.

Oxşar xəbərlər

Çempionlar Liqası: "Qarabağ" bu gün səfərdə "Dinamo" ilə qarşılaşacaq

UEFA "Qarabağ"ın rəqibinə azarkeşlərlə bağlı tətbiq etdiyi qadağanı aradan qaldırıb

“Qarabağ”ın sabiq futbolçusu: "Dinamo"ya məğlubiyyətə üzülmək lazım deyil

“Qarabağ”ın sabiq hücumçusu: “Dinamo”ya məğlubiyyəti bəxtsizliklə əlaqələndirirəm

Sergey Yakiroviç: "Qarabağ"la oyuna hazır olması üçün Pyatsanı meydana buraxmadıq