Gəncədə 44 yaşlı kişinin qətlə yetirilməsinin bəzi detalları məlum olub.

Sizinxeber.az-nın yerli bürosunun məlumatına görə, qətlə yetirilən 1971-ci il təvəllüdlü Şəmistan Süleymanov şəhərin Totanlı küçəsində fəhlə işləyən qohumu Nəsimi Mustafayevin yanına gələrək borcunu istəyib.

Onların arasında dava baş verib. Mübahisə zamanı Mustafayev Süleymanova kəsici alətlə bir neçə zərbə endirib.

Ş. Süleymanov xəstəxanaya çatdırılsa da, onun həyatını xilas etmək mümkün olmayıb.

Totanlı küçəsi, 6-cı döngə, ev 13 də (yeni məhlələr) adlanan ərazidə qeydə alınan hadisənin 400 manat borc üstündə baş verdiyi bildirilir.

Faktla bağlı araşdırmalar davam etdirilir.

***
17:36

Gəncədə qətl hadisəsi baş verib.

Sizinxeber.az xəbər verir ki, Gəncə şəhər Baş Polis İdarəsinə Daşkəsən rayon sakini 1980-ci il təvəllüdlü Şəmistan Süleymanovun kəsici-deşici alətlə qətlə yetirilməsi ilə bağlı məlumat daxil olub. Polis əməkdaşları hadisə yerinə gələrək müvafiq tədbirlər həyata keçirib.

Keçirilmiş əməliyyat-axtarış tədbirləri nəticəsində cinayəti törətməkdə şübhəli bilinən 1971-ci il rəvəllüdlü Nəsimi Mustafayev saxlanılıb.

Faktla bağlı prokurorluqda araşdırma aparılır.

Oxşar xəbərlər

Gəncədə qətl hadisəsi olub

Gəncədə sirkə turşusu içən kişi xəstəxanada ölüb

Gəncədə sirkə turşusu içən qadın xəstəxanada ölüb

Gəncədə 20 yaşlı gənc oğlan ayağından bıçaqlanıb

Gəncədə 4 min ot bağlaması yanıb