Gəncədə yanğın hadisəsi baş verib.

Sizinxeber.az-nın yerli bürosunun məlumatına görə, hadisə şəhərin Yeni qəsəbə adlanan ərazisində qeydə alınıb.

Sözügedən ərazidə müvəqqəti məskunlaşan Şuşa rayon Şırlan kənd sakini Abbasov Əbdülqasım Bahadur oğlunun fərdi təsərrüfatı üçün yığdığı ot bağlamasından ibarət tayada anidən yanğın baş verib.

Dərhal əraziyə FHN-nin yanğınsöndürən briqadası cəlb olunub. Yanğın yanğından mühafizə bölmələri tərəfindən söndürülüb.

Hadisə nəticəsində Əbdülqasım Abbasova məxsus 4 min ot bağlaması yanaraq külə dönüb.

Yanğın zamanı xəsarət alan olmayıb.

Hadisənin baş vermə səbəbləri araşdırılır.

Oxşar xəbərlər

Bakıda qarajda yanğın olub

Gəncədə köşk yanıb, xəsarət alan var

Şabranda kolbasa sexi, Xaçmazda 6 boks yanıb