Sumqayıtda İran vətəndaşı tərəfindən kuryerliyə cəlb olunan şəxsdən 50 kiloqram narkotik vasitə aşkarlanıb.

APA DİN-ə istinadən xəbər verir ki, Sumqayıt Şəhər Polis İdarəsinin əməkdaşlarının həyata keçirdikləri növbəti tədbir zamanı narkotik vasitələrin satışı və qanunsuz dövriyyəsini təşkil edən əvvəllər dəfələrlə məhkum olunmuş 1988-ci il təvəllüdlü Sakit Musayev saxlanılıb. Onun üzərindən və evindən ümumilikdə 50 kiloqram heroin, tərkibi psixotrop maddələrlə zənginləşdirilmiş marixuana, tiryək və metamfetamin aşkarlanaraq götürülüb. S.Musayev narkotik vasitələri şəxsiyyəti istintaqla araşdırılan İran vətəndaşından əvvəlcədən müəyyən olunmuş yerdən götürərək maddi qazanc müqabilində ayrı-ayrı ünvanlara çatdırmağı planlaşdırıb. İstintaq araşdırmaları zamanı ortaya çıxan sübutlar S.Musayevin narkotiklərin qanunsuz dövriyyəsini təşkil edən şəbəkənin əsas üzvlərindən biri olduğunu təsdiqləyib.

Faktla bağlı Cinayət Məcəlləsinin müvafiq maddəsi ilə cinayət işi başlanıb, məhkəmənin qərarı ilə saxlanılan şəxs barəsində həbs qətimkan tədbiri seçilib. S.Musayevin üzvü olduğu narkoşəbəkənin digər iştirakçılarının şəxsiyyətlərinin müəyyənləşdirilərək məsuliyyətə cəlb edilmələri istiqamətində tədbirlər davam etdirilir.

Oxşar xəbərlər

Bakı və Salyanda 41 kq narkotik dövriyyədən çıxarılıb [xfgiven_updateblue][/xfgiven_updateblue]

Narkotik satışına görə 3 nəfər həbs olunub, 38 kq marixuana və tiryək götürülüb [xfgiven_updateblue][/xfgiven_updateblue]

Narkotik satışına görə 3 nəfər saxlanılıb, 38 kq marixuana və tiryək götürülüb [xfgiven_updateblue][/xfgiven_updateblue]

DİN əməliyyat keçirib, 61 kq narkotik dövriyyədən çıxarılıb - VİDEO [xfgiven_updateblue][/xfgiven_updateblue]

Qobuda saxlanılan şəxsdə 2 kq narkotik aşkarlanıb [xfgiven_updateblue][/xfgiven_updateblue]