Göyçayda yol-nəqliyyat hadisəsi baş verib.

Sizinxeber.az-nin Şirvan bürosu xəbər verir ki, hadisə şəhərin Nizami və M. Müşviq küçələrinin kəsişməsində qeydə alınıb.

Belə ki, "Hyundai" markalı minik avtomobili hərəkətdə olarkən idarəetmədən çıxıb və yol kənarındakı ət dükanına çırpılıb.

Yaralılar dərhal təcili yardım avtomobili ilə Göyçay Mərkəzi Rayon Xəstəxanasına yerləşdirilib.

DİN-in Mətbuat Xidmətinin Şəki regional qrupundan sorğuya cavab olaraq bildirilib ki, sentyabrın 2-də saat 00:00 radələrində Göyçay şəhəri ərazisində Murad Abdullayevin idarə etdiyi “Hyundai” markalı avtomobil idarəetmədən çıxaraq hasara çırpılıb.

Nəticədə sərnişin, 2003 -cü il təvəllüdlü Rəşad Süleymanov sınıq xəsarətləri alıb.

Sürücü, eləcə də digər üç sərnişinə isə tibbi yardım göstərilərək ambulator müalicə üçün evə buraxılıblar.

Faktla bağlı araşdırma aparılır.

Oxşar xəbərlər

Ağsuda maşın hasara çırpılıb, sərnişin ölüb

Qəbələdə yol qəzası olub, sürücü ölüb