Daşkəsəndə dostunu qətlə yetirməkdə təqsirləndirilən Elçin İsmayılovun cinayət işi üzrə məhkəmə prosesi keçirilib.

Sizinxeber.az xəbər verir ki, Gəncə Ağır Cinayətlər Məhkəməsində hakim Bəhruz Mövsümovun sədrliyi ilə keçirilən prosesdə hökm oxunub.

Hökmə əsasən, Elçin İsmayılov 9 il 6 ay müddətinə azadlıqdan məhrum edilib.

O, cəzasını ciddi rejimli cəzaçəkmə müəssisəsində çəkəcək.

Qeyd edək ki, hadisə ötən il iyul ayında Daşkəsən rayonunda baş verib. Elçin İsmayılovla dostu İlkin Məmmədov arasında mübahisə baş verib. Mübahisə nəticəsində Elçin İsmayılov İlkin Məmmədova bıçaqla bir neçə dəfə zərbə endirib. İlkin Məmmədov xəstəxanaya çatdırılsa da, həyatını xilas etmək mümkün olmayıb.

Təqsirləndirilən Elçin İsmayılova Cinayət Məcəlləsinin 120.1-ci (qəsən adam öldürmə) və 228.5-ci (Qanunsuz olaraq qaz silahını, soyuq silahı, o cümlədən soyuq atıcı silahı əldə etmə, satma və ya gəzdirmə) maddələri ilə ittiham irəli sürülüb.

Oxşar xəbərlər

Zaqatalada bacısını güllələyən şəxsə hökm oxunub

Biləsuvarda tanışını döyərək öldürən şəxsə hökm oxunub

Astarada dostunu güllələyib, özünü yaralayan şəxsə hökm oxunub

Maştağada ögey anasını qətlə yetirməkdə təqsirləndirilən şəxsə hökm oxunub

Həyat yoldaşını öldürməyə cəhddə təqsirləndirilən şəxsə hökm oxunub