Ölkədə nəşr olunan kitabların heç 60 faizi Milli Kitabxanaya daxil olmur.

"Report" xəbər verir ki, bunu Azərbaycan Milli Kitabxanasının direktoru Kərim Tahirov Milli Məclisin Mədəniyyət komitəsinin "Kitabxana sisteminin mövcud vəziyyəti və inkişaf perspektivləri" mövzusunda keçirdiyi ictimai müzakirədə deyib.

Onun sözlərinə görə, qanunvericiliyə əsasən nəşriyyatlar çap etdikləri kitabların müəyyən sayda nüsxəsini kitabxanalara təqdim etməlidirlər, lakin buna əməl edilmir.

K.Tahirov bildirib ki, mövcud qanunvericilik nəşriyyatların 27 nüsxəni məcburi təqdim etməsini nəzərdə tutur:

"Bu da kitabların qiymətinin artdığı şəraitdə bir çox nəşriyyat üçün ciddi yük yaradır. Ölkənin kitabxana sistemi hələ də əsasən sovet dövründə formalaşmış struktur üzrə fəaliyyət göstərir. Kitabxanaların optimallaşdırılması, infrastrukturun yenilənməsi, internet təminatının yaxşılaşdırılması və yeni peşəkar kadrların cəlb edilməsi bu sahənin əsas prioritetləri olmalıdır".

Oxşar xəbərlər

Nazir: Müxtəlif ölkələrdən Azərbaycanın milli irsinə aid qiymətli kitabların gətirilməsinə çalışırıq

Nazir müavini: Kitabxanaların 80 %-nin internetə çıxışı yoxdur - ƏLAVƏ OLUNUB

Yeni nəşrlərin vahid elektron reyestrinin yaradılması təklif olunub

Qazaxıstan Milli Akademik Kitabxanasında “Azərbaycan ədəbiyyatı guşəsi”nin açılışı olub

Adil Kərimli: Kitabxana sistemində peşəkarlığı sual altında olan şəxslər də fəaliyyət göstərir