Regionda maliyyə təhlükəsizliyi vahid yanaşmanın həyata keçirilməsini tələb edir.

"Report" xəbər verir ki, bunu Azərbaycan Mərkəzi Bankının (AMB) Maliyyə Monitorinqi Siyasəti və Tənzimləmə Departamentinin direktoru Zaur Hacılı Bakıda keçirilən X Beynəlxalq Maliyyə və Bankçılıq Sammitində bildirib.

"Bu gün investorlar bizi ayrı-ayrı ölkələr üzrə deyil, bütövlükdə region olaraq qiymətləndirirlər. Onlar regionun maliyyə etibarlılığına və maliyyə təhlükəsizliyinə əsasən qərar verirlər. Bu yanaşma isə bizi vahid komplayns ekosisteminin formalaşdırılması və dəstəklənməsi istiqamətində daha da irəliləməyə vadar edir. Vahid komplayns ekosistemi elə bir adaptiv və dinamik mühitdir ki, burada beynəlxalq standartlar, korporativ və xüsusilə komplayns mədəniyyəti, müasir texnoloji həllər və ölkələrarası sinxronlaşdırılmış tənzimləyici qaydalar vahid şəkildə tətbiq olunur. Anlayırıq ki, bu gün komplayns qaydaları artıq əlavə yük kimi qəbul edilmir, əksinə, rəqabət üstünlüyü yaradan əsas amillərdən birinə çevrilib", - o vurğulayıb.

Oxşar xəbərlər

Ekspert: "Azərbaycan və Mərkəzi Asiyada komplayns strateji amilə çevrilib"

Serbiya Vahid Avro Ödəniş Sahəsinə (SEPA) üzv olub

Mərkəzi Bank: Anti-frod üzrə vahid nəzarət mexanizmləri bu ilin sonunadək bazara təqdim ediləcək

"Visa": Azərbaycanda biometrik texnologiyaların tətbiqi genişlənəcək

Maliyyə Nazirliyində bir sıra idarələr ləğv edildi - Yeni struktur yaradıldı