Ukrayna ordusu Rusiya ərazisindəki obyektlərə, o cümlədən Çeboksarıdakı hərbi zavoda və Samara vilayətindəki Kuybışev neft emalı zavoduna (NEZ) zərbələr endirib.

"Sizinxeber.az"un məlumatına görə, bu barədə Ukrayna Prezidenti Volodimir Zelenski "X" sosial şəbəkəsində yazıb.

"Biz Rusiyanın hərbi obyektlərinə və neft sənayesinə qarşı Ukraynanın uzunmüddətli sanksiyalarının tətbiqini davam etdiririk. Xüsusilə ötən gecə Ukrayna qüvvələri Rusiya ordusunu pilotsuz uçuş aparatları və raketlər üçün komponentlərlə təchiz edən Çeboksarıdakı hərbi zavoda zərbə endirib", - Zelenski yazıb.

Onun sözlərinə görə, həmin gecə Rusiyanın Samara vilayətindəki Kuybışev neft emalı zavodu da vurulub.

Ukrayna Prezidenti bəyan edib ki, cəbhə xəttindən bəzi obyektlərə qədər məsafə 900 kilometri ötür.

"Ukrayna Təhlükəsizlik Xidmətinin cavab addımları Vladimir vilayətindəki iki neft infrastrukturu obyektindən də yan keçməyib", - o vurğulayıb.

Oxşar xəbərlər

Ukrayna Rusiya ərazisindəki hərbi hissəyə və neft emalı zavoduna zərbələr endirib

Ukrayna Rusiya ərazisindəki hərbi hissəyə və neft emalı zavoduna zərbələr endirib - VİDEO

Ukrayna Samara və Nijni Novqorodda enerji infrastrukturuna zərbələr endirib

Ukrayna Rusiyaya məxsus NEZ və PUA anbarına zərbələr endirib

Zelenski Ukraynanın Çeboksarıdakı zavoda zərbəsini təsdiqləyib