"Qarabağ" neft-qaz yatağının işlənməsi layihəsi prinsipcə fərqli mənimsəmə konsepsiyası əsasında həyata keçirilir.

"Sizinxeber.az"un məlumatına görə, bunu Azərbaycan Dövlət Neft Şirkətinin (SOCAR) vitse-prezidenti Babək Hüseynov 31-ci Bakı Enerji Forumunda çıxışı zamanı bildirib.

"Biz çevik sualtı qoşulmalardan istifadə edirik. Bütövlükdə, biz bunu "artıq mövcud infrastruktura əsaslanan işlənmə" kimi müəyyən edirik. Neft-qaz sənayesi üçün bu, prinsipcə yeni yanaşma deyil, lakin söhbət Azərbaycanın əsas sərvəti olan mövcud infrastruktura inteqrasiyadan gedir. Bunun sayəsində investisiya tsiklini əhəmiyyətli dərəcədə qısaltmaq və hasilatın başlanmasını xeyli sürətləndirmək mümkün olacaq. Biz bu istiqamətdə tərəfdaşımızla fəal iş aparırıq", - vitse-prezident vurğulayıb.

Xatırladaq ki, 2025-ci iyunun 3-də "Bakı Enerji Həftəsi" çərçivəsində BP SOCAR ilə "Qarabağ" yatağının işlənməsi layihəsində 35 %-lik payın alınmasına dair saziş imzalayıb. Layihədəki qalan 65 % SOCAR-a məxsusdur.

BP bu layihənin operatorudur.

"Qarabağ" yatağı Bakıdan 120 km şərqdə, "Günəşli" yatağından 20-25 km məsafədə, 150-200 metr dərinlikdə yerləşir. İlkin qiymətləndirmələrə görə, yatağın geoloji neft ehtiyatları 60 milyon tondan çoxdur, bu həcmdən 21 milyon ton neft və 13 milyard kubmetr qaz çıxarıla bilən ehtiyatlardır.

Oxşar xəbərlər

BP bu il “Qarabağ” yatağının işlənməsi layihəsinə daxil olmağı planlaşdırır

BP və SOCAR “Qarabağ” layihəsi üzrə yeni sənəd imzalayacaq

SOCAR "Abşeron"un tammiqyaslı işlənməsi üzrə ilk qazın hasilat müddətinin tezləşdirilməsini istəyir

BP və SOCAR "Qarabağ" layihəsi ilə bağlı şərtləri razılaşdırmalıdırlar

BP-nin vitse-prezidenti: “Qarabağ” yatağının qaz ehtiyatlarının mənimsənilməsi gələcəyə aid məsələdir"