Daxili İşlər Nazirliyi (DİN) Sosial şəbəkələrdə avtoxuliqanlıq edib Dövlət Yol Polisi əməkdaşlarının əmrinə tabe olmayan şəxsin görüntülərinin yayılmasına aydınlıq gətirib.

DİN-in Mətbuat xidmətindən "Report"a bildirilib ki, avqustun 7-də saat 17:30 radələrində paytaxt ərazisində yol-hərəkəti qaydalarını pozaraq təhlükəli manevrlər etməklə insanların həyat və sağlamlığına real təhlükə yaratdığına görə VAZ-2107 markalı avtomobilin sürücüsünə DYP əməkdaşları tərəfindən “Saxla” işarəsi verilib.

Lakin avtomobilin sürücüsü buna məhəl qoymayaraq əhalinin dincliyini nümayişkaranə şəkildə pozaraq cəmiyyətə açıqca hörmətsizlik ifadə edən avtoxuliqanlıq hərəkətlərini davam etdirib.

Görülən tədbirlərlə sürücü — 1995-ci il təvəllüdlü Abdullayev Elşən Teyfur oğlu Nəsimi rayonu ərazisində saxlanılıb. O, saxlanılarkən polis əməkdaşlarının qanuni tələblərinə tabe olmayaraq müqavimət göstərib.

E.Abdullayev barəsində toplanmış materiallar aidiyyəti üzrə məhkəməyə göndərilib.

Oxşar xəbərlər

Avtoxuliqanlıq edib tabesizlik göstərən edən şəxs saxlanılıb - VİDEO

Polisin “saxla” əmrinə tabe olmadı - Həbs edildi - FOTO/VİDEO

Bu il polis əməkdaşları tərəfindən 251 avtoxuliqanlıq faktı aşkarlanıb

Hacıqabulda avtoxuliqan inzibati qaydada həbs edilib

Daşkəsəndə polisin "saxla" əmrinə tabe olmayan sürücü piyadanı vurub - FOTO