Əhalinin dincliyini nümayişkaranə şəkildə pozaraq cəmiyyətə açıqca hörmətsizlik ifadə edən avtoxuliqanlığın qərəzli əməl olması, insanların həyat və sağlamlığını təhdid etməsi barədə dəfələrlə deyilməsinə, bu təhlükəli davranışa qarşı görülən qabaqlayıcı tədbirlərə baxmayaraq, təəssüf ki, hələ də belə neqativ hallarla rastlaşırıq.

Bu barədə "Sizinxeber.az"a DİN Baş Dövlət Yol Polisi İdarəsindən (BDYPİ) məlumat verilib.

Bildirilib ki, cari ilin 7 ayı ərzində DYP tərəfindən 251 avtoxuliqanlıq faktı aşkarlanıb və məhkəmələr tərəfindən bu əməli törədən şəxslərə qarşı qanunvericilikdə nəzərdə tutulmuş ən sərt sanksiyalar tətbiq edilib:

"Lakin, konstruksiya dəyişikliyi edilmiş, dövlət qeydiyyat nişanları çıxarılmış, üzərində təhrikedici sloqanlar həkk olunmuş avtomobillərlə ictimai qaydanı kobud şəkildə pozan avtoxuliqanlar, bu azmış kimi törətdikləri əməlləri sosial şəbəkələrdə yayaraq dırnaqarası qəhrəmanlıqlarını təbliğ etməkdən çəkinmir, uşaq və yeniyetmələr arasında yol hərəkəti mədəniyyətinin formalaşmasına zərbə vurduqlarının fərqinə varmırlar.

Baş Dövlət Yol Polisi İdarəsi bu sahədə bundan sonra da ən kəsərli tədbirlərin görüləcəyini bildirməklə yanaşı, bir daha avtoxuliqanlığa meyilli olan şəxslərə müraciət edərək onları cəmiyyət üçün təhlükəli olan davranışlardan çəkinməyə, gənc nəsilə faydalı əməllərlə örnək olmağa cağırır"- deyə məlumatda qeyd edilib.

Oxşar xəbərlər

Çexiya polisi Praqadakı atışma ilə bağlı 50-dən çox cinayət işi açıb [xfgiven_updateblue][/xfgiven_updateblue]

Semka da saxlanıldı - Rəsmi [xfgiven_updateblue][/xfgiven_updateblue]

Gəncədə avtoxuliqanlıq edən sürücülər həbs ediliblər - FOTO/VİDEO [xfgiven_updateblue][/xfgiven_updateblue]

“Qaziyəm” deyib şəhəri bir-birinə qatdı, saxlanıldı - VİDEO [xfgiven_updateblue][/xfgiven_updateblue]

Gəncədə avtoxuliqanlıq edən sürücülər həbs ediliblər [xfgiven_updateblue][/xfgiven_updateblue]