Təyyarə qəzasının qurbanlarının xatirəsini yad etmək üçün bütün məscidlərdə məclislər qurulub, onların ruhuna dualar oxunub, fatihələr deyilib.

"Report" xəbər verir ki, bunu Qafqaz Müsəlmanları İdarəsinin (QMİ) sədr müavini Fuad Nurullayev jurnalistlərə açıqlamasında deyib.

Onun sözlərinə görə, aviaqəzada həyatını itirənlərə Allahdan rəhmət, ailələrinə səbr diləyir:

"Bu, bütün millətlərin başına gələ biləcək hadisədir. Əlimizdən gələn onların ailələrinə təsəlli vermək, yaralılarımıza şəfa diləməkdir. Allah millətimizi bəlalardan qorusun".

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.

Prezident İlham Əliyev çoxsaylı insan itkisindən sonra ölkə ərazisində bir günlük matəm elan olunması ilə bağlı sərəncam imzalayıb.

Eyni zamanda dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb.

Oxşar xəbərlər

Aviaqəzada həlak olanlardan biri Cəlilabad sakinidir

Tbilisidəki Azərbaycan səfirliyində başsağlığı kitabı açılacaq

Pakistan səfiri: Matəm günündə qardaş Azərbaycanla həmrəyik

Ceyhun Bayramov qazaxıstanlı həmkarı ilə təyyarə qəzasının səbəblərinin araşdırılmasını müzakirə edib

Azərbaycanın Rusiyadakı səfirliyində aviaqəza ilə bağlı başsağlığı kitabı açılacaq