“Castle Door” MMC-yə İqtisadiyyat Nazirliyinin tabeliyində İqtisadi Zonaların İnkişafı Agentliyinin idarəçiliyində olan Ağdam Sənaye Parkının rezidentliyi statusu verilib.

"Report" agentliyə istinadən xəbər verir ki, yeni rezident Parkın 1 hektar ərazisində dəmir qapı istehsalı müəssisəsi yaradacaq.

Layihənin investisiya dəyəri 2,2 milyon manatdır.

Türkiyənin qabaqcıl texnologiyalarından istifadə ediləcək müəssisənin illik istehsal gücünün 9 min ədəd qapı olması planlaşdırılır.

"Yeni rezidentin qeydiyyata alınması ilə Ağdam Sənaye Parkının rezidentlərinin sayı 30-a çatıb. Sahibkarların bura artan marağının göstəricisidir ki, Ağdam Sənaye Parkı ölkədəki sənaye parkları arasında rezident sayına görə Sumqayıt Kimya Sənaye Parkından sonra ikinci yerdədir", - deyə məlumatda qeyd olunub.

Oxşar xəbərlər

Ağdamda lift və eskalator istehsalı müəssisəsi yaradılacaq

Ağdam Sənaye Parkında velosiped istehsal ediləcək

Ağdam Sənaye Parkında yeni rezident qeydiyyata alınıb

Ağdam Sənaye Parkında led işıqların istehsalı müəssisəsi yaradılır