İslam Əməkdaşlıq Təşkilatına (İƏT) üzv dövlətlərin Parlament İttifaqı Konfransının 20-ci sessiyasının iştirakçıları İran və ABŞ arasında münaqişənin dayandırılması barədə son razılaşmanı alqışlayıblar.

"Sizinxeber.az" xəbər verir ki, bu barədə Bakıda keçirilən ikigünlük sessiyanın yekunlarına dair qəbul edilmiş bəyannamədə qeyd olunub.

"İran və ABŞ arasında münaqişənin dayandırılması barədə razılaşmanı alqışlayırıq. Regional, eləcə də beynəlxalq sülh və təhlükəsizlik naminə bu razılaşmanın tam icra olunacağına ümid etdiyimizi bildiririk", - sənəddə vurğulanıb.

Bundan əlavə, sessiya iştirakçıları müxtəlif ölkələrdə islamofobiyanın təzahürlərinin artması ilə bağlı dərin narahatlıqlarını ifadə ediblər.

"Din və ya əqidə zəminində törədilən bütün zorakılıq aktlarını, eləcə də dini ayrı-seçkiliyə əsaslanan nifrətin qızışdırılmasını və ekstremizmi pisləyirik. Beynəlxalq ictimaiyyəti ekstremizmə, nifrət nitqinə, mənfi stereotiplərə və dinlərin diffamasiyasına qarşı həm milli, həm də qlobal səviyyələrdə mübarizə aparmaq üçün tədbirlər görməyə çağırırıq", - bəyannamədə qeyd edilib.

Oxşar xəbərlər

İƏT Parlament İttifaqı Konfransının 20-ci sessiyasında Bakı Bəyannaməsi qəbul olunub

Numan Kurtulmuş: Türkiyə İran-ABŞ danışıqlarının müsbət nəticələnməsini alqışlayır

İƏT Parlament İttifaqı Konfransının 20-ci sessiyası başa çatıb - YENİLƏNİB

İlham Əliyev İƏT Parlament İttifaqı Konfransının 20-ci sessiyasının iştirakçılarına müraciət ünvanlayıb

Koşta, Ursula fon der Lyayen və Kallas ABŞ və İran arasındakı razılaşmanı alqışlayıblar