İkinci Qarabağ müharibəsi dövründə Gəncə şəhərinin Ermənistan Silahlı Qüvvələri tərəfindən ilk raket hücumuna məruz qalmasından 4 il ötür.

“Sizinxeber.az” xatırladır ki, 2020-ci ilin oktyabrın 4-də səhər saat 10 radələrində ermənilərin atdığı raketlər Azərbaycanın ikinci ən böyük şəhərində mülki yaşayış məntəqəsinə, o cümlədən sakinlərin yaşadığı ikimərtəbəli binaya, fərdi yaşayış evlərinə düşüb.

Ermənistanın bu raket hücumu müharibənin getdiyi Qarabağ bölgəsindən kənarda edilən ilk ciddi hücum idi. Düşmən tərəfindən Gəncənin bombalanması nəticəsində 1 mülki şəxs - Əliyev Tunar Qoşqar oğlu şəhid olub, 32 mülki şəxs isə yaralanıb. Yaşayış evləri ilə yanaşı mülki infrastruktura və qədim tarixi tikililərə də ziyan dəyib.

Qeyd edək ki, İkinci Qarabağ müharibəsi dövründə Ermənistan Silahlı Qüvvələri tərəfindən Gəncə şəhərinə ümumilikdə beş dəfə (4, 5, 8, 11, 17 oktyabrda) raket və ağır artilleriya ilə hücum edilib. Nəticədə 26 nəfər şəhid olub, 175 nəfər yaralanıb, şəhərdə yerləşən mülki infrastruktur obyektlərinə, nəqliyyat vasitələrinə külli miqdarda ziyan dəyib.

Oxşar xəbərlər

Gəncə şəhərinin ilk raket hücumuna məruz qalmasından üç il ötür - VİDEO [xfgiven_updateblue][/xfgiven_updateblue]

Ermənistanın Gəncədə törətdiyi terrordan üç il keçir [xfgiven_updateblue][/xfgiven_updateblue]

Gəncə terrorundan 3 il ötür [xfgiven_updateblue][/xfgiven_updateblue]

Ermənistanın Bərdənin Qarayusifli kəndində törətdiyi terrordan üç il ötür [xfgiven_updateblue][/xfgiven_updateblue]

Bərdə şəhərinin raketlə vurulmasından üç il keçir [xfgiven_updateblue][/xfgiven_updateblue]