Azərbaycanın xarici işlər naziri Ceyhun Bayramov Misir səfiri Hişam Məhəmməd Nağını ölkədə diplomatik fəaliyyətinin başa çatması münasibətilə qəbul edib.

"Sizinxeber.az" xəbər verir ki, nazirin səfirin ölkədə diplomatik fəaliyyəti müddətində iki ölkə arasında münasibətlərin inkişaf etdirilməsinə verdiyi töhfəyə görə təşəkkürünü bildirib.

C.Bayramov tarixi dostluğa və qardaşlığa əsaslanan Azərbaycan və Misir münasibətlərinin xüsusi əhəmiyyət kəsb etdiyi qeyd edərək iki ölkə arasında siyasi, iqtisadi, mədəni və digər sahələrdə mövcud olan əməkdaşlığı yüksək qiymətləndirib. İki ölkə arasında həm ikitərəfli, həm də İslam Əməkdaşlıq Təşkilatı, D-8 kimi çoxtərəfli platformalarda uğurlu əməkdaşlıq məmnunluqla vurğulanıb.

Görüşdə iki ölkənin liderlərinin 2023 və 2024-cü illərdə qarşılıqlı şəkildə rəsmi səfərlərinin iki ölkə arasında münasibətlərə xüsusi təkan verdiyi qeyd olunub. Azərbaycan və Misir arasında Hökumətlərarası iqtisadi, texniki və elmi əməkdaşlıq üzrə Müştərək Komissiyanın fəaliyyəti və Xarici İşlər nazirlikləri arasında siyasi məsləhətləşmə mexanizmlərinin intensivləşdirilməsi və digər məsələlər ətrafında fikir mübadiləsi aparılıb. Həmçinin iqtisadi, ticarət, turizm sahələrində əlaqələrin daha da genişləndirilməsi üçün böyük potensialın olduğu vurğulanıb.

Misir səfiri Azərbaycanda fəaliyyəti müddətində ona göstərilən diqqətə və dəstəyə görə təşəkkürünü bildirib.

Oxşar xəbərlər

Misir səfirinin diplomatik fəaliyyəti başa çatıb

Azərbaycan və Misir Baş nazirlərinin görüşü olub

Ceyhun Bayramov Qətərin yeni səfirini qəbul edib

Ceyhun Bayramov Polşa səfirini diplomatik fəaliyyətinin başa çatması münasibətilə qəbul edib

Ceyhun Bayramov yeni təyin olunmuş gürcü həmkarını təbrik edib