Birləşmiş Millətlər Təşkilatının (BMT) Qaçqınlar üzrə Ali Komissarlığı (UNHCR) Azərbaycan Hökumətindən rəsmi bildiriş alıb və ölkədəki fəaliyyətini başa çatdırır.

Bu barədə Sizinxeber.az-nın sorğusuna cavab olaraq BMT-nin Qaçqınlar üzrə Ali Komissarlığının (UNHCR) sözçüsü Metyu Saltmarş bildirib.

O qeyd edib ki, BMT Azərbaycan Hökuməti və xalqı ilə 33 illik tərəfdaşlığını yüksək qiymətləndirir və bu müddət ərzində BMT Azərbaycanda əsas inkişaf prioritetlərinin irəlilədilməsini dəstəkləyib:

“UNHCR bütün tərəfdaşlar və donorlarla məsləhətləşmələr aparmaqla öz fəaliyyətinin məsuliyyətli şəkildə başa çatdırılmasını təmin etməyə sadiqdir”.

Metyu Saltmarşın sözlərinə görə, BMT bütün üzv dövlətlərdə olduğu kimi, Azərbaycan Hökuməti ilə də fəal dialoqu davam etdirir ki, qurumun fəaliyyəti ölkənin milli inkişaf prioritetləri ilə uzlaşsın və 2030 Dayanıqlı İnkişaf Gündəliyinin həyata keçirilməsinə töhfə versin.

Oxşar xəbərlər

BMT maliyyə çatışmazlığı səbəbilə genişmiqyaslı islahatlara hazırlaşır

Ceyhun Bayramov BMT QAK-ın Azərbaycandakı nümayəndəsini qəbul edib

Rəsmi Bakı: USAID-in Azərbaycanda fəaliyyətinin dayandırılması ilə bağlı ABŞ-a bildiriş göndərilib

Metyu Miller: ABŞ Bakı və İrəvanın sərhədlərin delimitasiyası qaydalarının rəsmiləşdirilməsini alqışlayır

BMT-nin İqlim Dəyişmələri üzrə Çərçivə Konvensiyasının, Kioto Protokolunun və Paris Sazişinin Katibliyi ilə Anlaşma Memorandumu təsdiqlənib