Gürcüstan, Türkiyə və Azərbaycan xarici işlər nazirlərinin İstanbulda keçiriləcək görüşündə regional və qlobal müstəvidə əlaqələrin, ticarət və iqtisadi sahələrdə, eləcə də enerji təhlükəsizliyi sahəsində əməkdaşlığın gücləndirilməsi məsələləri müzakirə olunacaq.

APA-nın yerli bürosu xəbər verir ki, bu barədə Gürcüstanın Türkiyədəki səfiri Arçil Kalandiya bildirib.

O, görüşdən sonra XİN başçıları arasında birgə bəyannamənin imzalanacağını qeyd edib.

Səfirin sözlərinə görə, Gürcüstan Baş nazirinin müavini, XİN rəhbəri Maka Boçorişvili türkiyəli və azərbaycanlı həmkarları ilə ikitərəfli görüşlər keçirəcək.

"Görüş zamanı Cənubi Qafqaz bölgəsində sülh və sabitliyin daha da möhkəmləndirilməsi məsələsi də müzakirə mövzularından olacaq", - Kalandiya əlavə edib.

Oxşar xəbərlər

Azərbaycan və Gürcüstan liderlərinin müzakirə edəcəyi məsələlər açıqlanıb

Azərbaycan, Türkiyə və Gürcüstan XİN başçılarının üçtərəfli görüşü keçiriləcək

Gürcüstan və Ermənistan prezidentləri regional məsələləri müzakirə edib

Gürcüstan XİN başçısı Türkiyə səfiri ilə regional təhlükəsizliyi müzakirə edib

Hakan Fidan: Türkiyə, Gürcüstan və Azərbaycan əlaqələri digər ölkələr üçün model ola bilər