ABŞ Prezidenti tamamilə haqlıdır, Trampın “Beynəlxalq Sülh və Rifah Marşrutu” yeni əlaqələr və bağlar yaradacaq, divarları yıxacaq.

Sizinxeber.az-nın xəbərinə görə, bunu Azərbaycan Prezidenti İlham Əliyev ABŞ Prezidentinin vasitəçiliyi ilə Ermənistan Baş naziri Nikol Paşinyanla üçtərəfli görüşdə bildirib.

Prezident İlham Əliyev qeyd edib ki, bu təşəbbüs bir çox ölkələr üçün qarşılıqlı ünsiyyət, ticarət, sabitlik və investisiya imkanları açacaq:

“SSRİ-nin süqutundan sonra Azərbaycan və Ermənistan eyni vaxtda müstəqillik qazandı. Lakin həmin vaxt biz artıq müharibə vəziyyətində idik və uzun illər itirdik. Bu gün isə tarixi gündür – biz sülhə nail oluruq. Prezident Tramp Cənubi Qafqaza sülh gətirir və buna görə ona minnətdarıq. Əminəm ki, Ermənistan və Azərbaycan cəsarətli və məsuliyyətli olacaq, barışı qoruyacaqlar. Biz münaqişə və qanlı müharibə səhifəsini bağlayacağıq. Mən çox şadam və bir daha regionumuz və dünya üçün gördüyünüz işlərə görə minnətdarlığımı bildirirəm.”

Oxşar xəbərlər

Prezident İlham Əliyev: “Tramp Rifah və Sülh Marşrutu” əlaqələr baxımından divarları yox edəcək

Prezident İlham Əliyev: Tramp olmasaydı, Azərbaycan və Ermənistan sonsuz danışıqlar prosesini davam etdirməli olacaqdı

Azərbaycan Prezidenti Donald Trampa 907 saylı düzəlişin icrasının dayandırılmasına görə təşəkkür edib

Azərbaycan Prezidenti: ABŞ-la strateji tərəfdaşlıq formatı bir çox sahələri əhatə edir

Paşinyan: Cənubi Qafqazda inkişaf baş verəcək