2025-ci ildə Azərbaycanda məqsədli büdcə fondları ilə bağlı mövcud qanunvericiliyə edilən dəyişikliklər dövlət büdcəsinin icrası prosesində nəzərə alınmayıb.

"Report" xəbər verir ki, bu barədə Hesablama Palatasının "2025-ci il dövlət büdcəsinin icrası" haqqında qanun layihəsinə verdiyi Rəydə bildirilir.

Sənədə əsasən, hesabat ilində "Büdcə sistemi haqqında" Qanuna əlavə olunmuş 18.4-1-ci maddəyə əsasən, məqsədli büdcə fondlarından büdcə ili ərzində funksional, iqtisadi və inzibati təsnifata uyğun olaraq yönəldilən vəsaitlərin uçotunun həmin vəsaitlərin ayrıldığı məqsədlərə uyğun funksional, iqtisadi və inzibati təsnifat üzrə aparılması müəyyən edilib. Təhlil göstərir ki, bu dəyişiklik dövlət büdcəsinin

icrasına dair illik hesabatda və qanun layihəsində öz əksini tapmamış, məqsədli büdcə fondları üzrə vəsaitlər əvvəlki illərdə olduğu kimi funksional təsnifatın "Əsas bölmələrə aid edilməyən xidmətlər" bölməsində əks etdirilib.

Əlavə olaraq, 2025-ci ilin dövlət büdcəsi haqqında Qanunda "iriqabaritli və ya ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulmasına görə tətbiq edilmiş inzibati cərimələr" "Avtomobil Yolları" Məqsədli Büdcə Fondunun mədaxil mənbələrinə daxil edilib və bu istiqamət üzrə 0,3 milyon manat vəsait proqnozlaşdırılmışdır. Ancaq Vahid Büdcə Təsnifatında həmin istiqamət nəzərdə tutulmayıb, eləcə də 2025-ci il dövlət büdcəsinin icrasına dair illik hesabatda bu mədaxil mənbəyi üzrə daxilolma qeyd edilməyib.

Oxşar xəbərlər

Vüqar Gülməmmədov büdcənin icrası haqqında qanun layihəsinə dair iradlarını açıqlayıb

Hesablama Palatası: Fiskal qanunvericilikdə dəyişikliklər zəruridir

Hesablama Palatası: Dövlət büdcəsindən bəzi qurumlara ayrılan vəsaitlər bank hesablarında saxlanılıb

Hesablama Palatası: DSMF-nin gəlir və xərclərinin icrasında uyğunsuzluqlar var

Vüqar Gülməmmədov müdafiə olunan xərclərlə bağlı tövsiyyələr verib