2024-cü ildə Azərbaycanda kənar dövlət maliyyə nəzarəti tədbirləri və qurumların təqdim etdiyi məlumatların təhlili dövlət büdcəsindən bəzi qurumlara ayrılan vəsaitlərin bank hesablarında saxlandığını göstərib, bu əməliyyatların büdcə uçotunda uyğunsuzluqlara səbəb olduğu qənaətinə gəlinib.

“Sizinxeber.az” xəbər verir ki, bu barədə Hesablama Palatasının “2024-cü il dövlət büdcəsinin icrası haqqında” qanun layihəsinə verdiyi rəydə bildirilir.

Sənədə əsasən, seçmə qaydada əhatə edilmiş qurumların məlumatlarının təhlili göstərir ki, hesabat ilində və əvvəlki illərdə dövlət büdcəsinin kassa icrasına aid olunmuş, lakin bank hesablarında qalmış xərc məbləğləri 500 milyon manatdan çoxdur (məxfi sahələr nəzərə alınmadan).

Bu məbləğin 150 milyon manatdan çoxu hesabat ilində dövlət əsaslı vəsait qoyuluşun və işğaldan azad olunmuş ərazilərin yenidən qurulması və bərpası üçün ayrılmış vəsaitlər üzrə icra kimi göstərilib. Bundan əlavə, bəzi qurumlar üzrə hesabat ilinin əvvəlinə bank hesablarında qalıq məbləğ kimi qeydə alınmış vəsaitin həcmində hərəkətlilik (bank hesabındakı vəsaitin də icra edilməsi) müşahidə edilsə də, bu, bütün qurumlar üçün xarakterik olmayıb.

Dövlət büdcəsinin icrası barədə hesabatlar, eləcə də İllik Hesabatda kassa icrasına aid edilmiş bəzi məbləğlər qurumlar tərəfindən təqdim edilmiş məlumatlarda bank hesabında saxlanılmış vəsait kimi göstərilib, məlumatlarda müvafiq qurumlar tərəfindən icra edilməmənin səbəbi və vəsaitin 2025-ci ildə icra ediləcəyi də əks etdirilib. Bu isə “Büdcə sistemi haqqında” qanunun “dövlət büdcəsinin kassa icrası” anlayışı ilə uyğunsuzluq yaradır.

Oxşar xəbərlər

Hesablama Palatası: Son illərdə ilk dəfə ilin sonuna idarəetmədə vəsait saxlanılmayıb

Hesablama Palatası: Büdcə kreditlərinin verilməsi istiqamətində tənzimləyici mexanizm zəruridir

Hesablama Palatası: Fiskal qanunvericilikdə dəyişikliklər zəruridir

Hesablama Palatası: Dövlət əmlakının özəlləşdirilməsi ilə bağlı yeni qanun layihəsi hazırlanmayıb

Azərbaycanda publik hüquqi şəxslərə büdcədən ayırmalar 5%-dən çox artırılır