İndoneziyanın Mərkəzi Sulavesi əyalətində baş vermiş 6,7 maqnitudalı zəlzələdən sonra 780-dən çox afterşok qeydə alınıb.

"Sizinxeber.az" xəbər verir ki, bu barədə "Antara" yerli meteorologiya, iqlimşünaslıq və geofizika agentliyinə istinadən məlumat yayıb.

Ən güclü afterşokun maqnitudası 5,3 olub və üç nəfərin ölümü ilə nəticələnib.

Bundan başqa, 108 nəfər müxtəlif dərəcəli xəsarətlər alıb. Ümumilikdə zəlzələ nəticəsində 6,4 mindən çox vətəndaş zərər çəkib.

Zəlzələ iyunun 16-da İndoneziya sahillərində baş verib. Onun episentri təxminən 282 min nəfərin yaşadığı Palu şəhərindən (Sulavesi adası) 46 kilometr cənub-şərqdə, ocağı isə 10 kilometr dərinlikdə yerləşib.

Oxşar xəbərlər

İndoneziya sahillərində 5,8 bal gücündə zəlzələ baş verib

İndoneziya sahillərində 5,3 maqnitudalı zəlzələ olub

İndoneziya sahillərində 6,3 maqnitudada zəlzələ baş verib

Argentina sahillərində güclü zəlzələ baş verib

İndoneziya sahillərində güclü zəlzələ qeydə alınıb