"İmişli" futbol komandasının 2026/2027 mövsümündə ev oyunlarını keçirəcəyi stadion hələlik dəqiqləşməyib.

Bu barədə "Sizinxeber.az"un sorğusuna cavab olaraq bölgə təmsilçisinin icraçı direktoru Aqşin Mürsəlov açıqlama verib.

Funksioner bir neçə arenada oynamaq ehtimallarının olduğunu söyləyib:

"Quba Olimpiya Kompleksinin stadionu dəqiq olmayacaq. Çünki orada drenaj sistemi düzəldilmədir. Ağsu şəhər stadionunda rəqibləri qəbul etmək variantı var. AFFA stadionu təmir edir. Çempionatın startınadək bitsə, orada oynamağı planlaşdırırıq. Çatdırılmasa, başqa variantları nəzərdən keçirəcəyik. Qəbələ və Yevlax da ola bilər. Hansı uyğun gəlsə, qərar veriləcək".

Xatırladaq ki, "İmişli" ötən mövsüm ilk iki turda rəqiblərini Şamaxı şəhər stadionunda, daha sonra Quba Olimpiya Kompleksinin stadionunda qəbul edib.

Oxşar xəbərlər

PFL “İmişli”nin ev oyunlarını keçirmək istədiyi Quba Olimpiya Kompleksini təftiş edəcək

“İmişli” rəsmisi: “Quba Olimpiya Kompleksindəki çatışmazlıqları öz hesabımıza aradan qaldıracağıq”

"İmişli" rəsmisi: "Quba Olimpiya Kompleksində paltardəyişmə otaqlarını və çəkiliş zonalarını təmir etdirəcəyik"

Azərbaycan Kubokunun II təsnifat mərhələsinin proqramı açıqlanıb

İmişli şəhər stadionundakı təmir işləri noyabrın sonunda başa çatacaq