Bu gün İrəvan şəhər Ağsaqqallar Şurasının iclasında hakim “Vətəndaş müqaviləsi” partiyasının nümayəndələri ilə müxalifət üzvləri arasında dava düşüb.

“News.am”ın xəbərinə görə, qarşıdurmaya seçkilər zamanı seçicilərin pulla ələ alınması ilə bağlı səslənən ittihamlar səbəb olub.

Müxalifət blokunun “Ana Ermənistan” fraksiyasının üzvləri hakim partiyanı seçki pozuntularında ittiham ediblər. Buna cavab olaraq, İrəvan merinin müavini Armen Pambuxçyan müxalifət nümayəndələri ilə mübahisə etməyə başlayıb.

Bundan sonra başlayan söz qarşıdurması tərəflər arasında davaya çevrilib. Dava zamanı tərəflər bir-birlərinə su şüşələri atıb.

Hadisədən sonra İrəvan Ağsaqqallar Şurasının iclasında fasilə elan olunub.

Oxşar xəbərlər

Bakıda ev sahibi ilə kirayənişin arasında dava düşüb, qadınlar xəsarət alıb

Ermənistan parlamentində dava düşüb

Azərbaycan-Monteneqro qarşılaşmasından sonra oyunçular arasında kütləvi dava düşüb - VİDEO

İrəvan qazısının fəaliyyəti bərpa olunur

İrəvan qazısının fəaliyyəti bərpa olunub, yeni qazı təyin olunub - YENİLƏNİB-1