Bu il Azərbaycanda rəqəmsal transformasiya və innovasiyalar üzrə forum keçirilməsi planlaşdırılır.

"Report" xəbər verir ki, bunu Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Biznes Şurasının 8-ci plenar sessiyası zamanı AQEM-in baş katibi Kayrat Sarıbay bildirib.

O vurğulayıb ki, Azərbaycan 2025-ci il üçün etimad tədbirləri çərçivəsində bir sıra vacib təşəbbüslər irəli sürüb: “Buraya nəqliyyat dəhlizlərinin rəqəmsallaşdırılması sahəsində bilik mübadiləsi üzrə konfrans, elektron ticarət vasitəsilə kiçik və orta biznesin ticarətdə iştirakının genişləndirilməsi üzrə tədbir, rəqəmsal transformasiya və innovasiyalar üzrə forum və AQEM-ə üzv ölkələrdən olan mütəxəssislər üçün kibertəhlükəsizlik üzrə təlim daxildir”.

K.Sarıbayın sözlərinə görə, rəqəmsal transformasiya artıq seçim deyil - bu, bir zərurətdir: "Məhdud texnologiya və rəqəmsal bacarıqlara çıxış kimi çağırışlar böyükdür. Lakin elektron ticarət və süni intellekt sahəsində imkanlar da bir o qədər böyükdür".

Oxşar xəbərlər

AQEM-in Baş katibi Azərbaycanın sədrliyi çərçivəsində planlaşdırılan tədbirləri açıqlayıb

Baş katib: "AQEM ölkələri nəqliyyat dəhlizlərinin rəqəmsallaşdırılmasını müzakirə etmək istəyir"

Kayrat Sarıbay: “Azərbaycan AQEM çərçivəsində Qadınlar Şurasının yaradılmasını istəyir”

Bakıda AQEM-in Yüksək Vəzifəli Şəxslər Komitəsinin birinci iclası keçiriləcək

Nazir Asiyada Qarşılıqlı Fəaliyyət və Etimad Tədbirləri üzrə Müşavirənin Baş katibi ilə görüşüb