Fevralın 27-də Azərbaycanın sədrliyi ilə Bakıda Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Yüksək Vəzifəli Şəxslər Komitəsinin birinci iclası keçiriləcək.

Bu barədə “Sizinxeber.az” AQEM-in mətbuat xidmətinə istinadən xəbər verir.

İclasın iştirakçıları xüsusilə sədrliyin baxışını və üzv dövlətlərin 2025-2026-cı illər üçün təşəbbüslərini müzakirə edəcəklər.

Tədbirin təşkilatçısı AQEM Katibliyinin dəstəyi ilə Azərbaycan Xarici İşlər Nazirliyidir.

İclasda AQEM-in institusional strukturunun əsas məsələləri, AQEM-in Analitik Mərkəzlər Forumunun 2025-ci il üçün iş planı, 2024-cü il üzrə illik maliyyə hesabatı və 2023-2024-cü illər üzrə xarici audit hesabatının müzakirə ediləcəyi gözlənilir.

Xatırladaq ki, AQEM-in baş katibi Kayrat Sarıbay “Sizinxeber.az”a müsahibəsində qeyd edib ki, 2025-ci il üçün AQEM-in etimad tədbirlərinin həyata keçirilməsi planına 44 tədbir daxildir. Bunlardan təxminən 20-si Azərbaycan tərəfindən təklif olunub və AQEM-in beş əsas iş istiqamətini əhatə edir: iqtisadi, ekoloji, insani və hərbi-siyasi ölçülər, yeni çağırışlar və təhdidlər ölçüsü.

Oxşar xəbərlər

Prezident AQEM-in Baş katibini qəbul edib

AQEM-in Baş katibi Azərbaycanın sədrliyi çərçivəsində planlaşdırılan tədbirləri açıqlayıb

AQEM Nazirlər Şurasının 7-ci görüşündə bir sıra sənədlər qəbul edilib

Alim Bayel: Azərbaycan COP29 çərçivəsində AQEM-ə sədrlik edəcək

Ceyhun Bayramov AQEM-in iclasında iştirak edir