Sumqayıtda “Yaşıl dünya naminə həmrəylik ili”nə həsr edilmiş doktorantların və gənc tədqiqatçıların XXVII Respublika Elmi Konfransı (NASCO XXVII) keçirilib.

Sizinxeber.az xəbər verir ki, tədbirdə elm və təhsil naziri Emin Əmrullayev və digər rəsmi qonaqlar iştirak ediblər.

Tədbirdə çıxış edən elm və təhsil naziri Emin Əmrullayev bildirib ki, ilk dəfədir paytaxtdan kənarda belə bir konfrans keçirilir: “Sumqayıt Dövlət Universiteti bu məsuliyyətli işi öz üzərinə götürüb və nazirlik olaraq biz bu konfransı dəstəkləyirik”.

Nazir çıxışı zamanı, həmçinin gənc doktorantlara dəstəyin əhəmiyyətindən danışıb: “Sevindirici haldır ki, bu gün elmi işlərdə plagiata rast gəlinmir. Akademik dürüstlüyə sadiq qalsaq, elmi nailiyyətlərimiz də artmağa davam edəcək. Əks halda isə heç nəyə nail ola bilməyəcəyik”.

Emin Əmrullayev deyib ki, Elm və Təhsil Nazirliyi hər il doktorantların xaricdə təhsil almalarına şərait yaradır və bu ənənə davam edəcək. Nazir, həmçinin bildirib ki, elm sahəsində olduğu kimi ali təhsil sistemində də islahatlar davam etdiriləcək.

Oxşar xəbərlər

Doktorantların və gənc tədqiqatçıların XXVII Respublika elmi konfransı keçiriləcək

Elm və təhsil naziri “Maarifçi”lərlə görüşüb

Emin Əmrullayev İtaliyanın təhsil naziri ilə görüşüb

Emin Əmrullayev: Kimsə nə vaxtsa elmi ad alıbsa, ona ömrünün axırına kimi yüksək maaş verməli deyilik

Emin Əmrullayev Özbəkistanın məktəbəqədər və ümumi təhsil naziri ilə görüşüb