2026-cı il üzrə sertifikatlaşdırma prosesində 23 mindən çox təhsilverən iştirak edəcək.

Bu barədə Sizinxeber.az-ya MÜTDA-dan məlumat verilib.

Bildirilib ki, 2026-cı il üzrə sertifikatlaşdırma prosesinə hazırlıq işləri yekunlaşıb: "Cari ildə ilk dəfə olaraq Tarix, Texnologiya, Musiqi, Təsviri incəsənət və Fiziki tərbiyə fənləri də prosesə daxil edilib. Ümumilikdə, cari ildə 23 min nəfərdən çox təhsilverən 19 şəhər üzrə 35 imtahan mərkəzində bilik və bacarıqlarını nümayiş etdirəcək".

Qeyd edilib ki, 2022-ci ildən etibarən həyata keçirilən və təhsilin keyfiyyətinin yüksəldilməsinə xidmət edən sertifikatlaşdırma prosesinə indiyədək 84 minə yaxın müəllim cəlb edilib: "Sertifikatlaşdırma prosesi pedaqoji heyətin peşəkarlıq səviyyəsinin qiymətləndirilməsi və stimullaşdırılması baxımından mühüm əhəmiyyət kəsb edir. İndiyədək sertifikatlaşdırmadan uğurla keçən 24 minə yaxın müəllimin vəzifə maaşına 35 faiz, 49 mindən artıq müəllimin maaşına isə 10 faiz artım tətbiq edilib".

Oxşar xəbərlər

Builki sertifikatlaşdırma prosesində 23 mindən çox müəllim iştirak edəcək

Müəllimlərin serifikasiyasının müsahibə mərhələsinin keçiriləcəyi tarix məlum olub

Bu il beş fənn üzrə müəllimlərin sertifikatlaşdırma imtahanlarına cəlbi nəzərdə tutulur

Bu il 75 minə yaxın müəllim sertifikatlaşdırmadan uğurla keçib, 2 mindən çoxu isə keçid balını toplamayıb

Müəllimlərin sertifikatlaşdırma prosesinin müsahibə mərhələsi avqustun sonlarında başlayacaq