Su Nəqliyyatında Polis İdarəsinin əməkdaşları Kənd Təsərrüfatı Nazirliyinin Balıqçılıq və Akvakultura Mərkəzinin əməkdaşları ilə birgə keçirdikləri növbəti tədbir zamanı qanunsuz balıq ovu ilə məşğul olan daha bir şəxsi aşkar ediblər.

"Sizinxeber.az" xəbər verir ki, araşdırmalarla müəyyən olunub ki, Bakı şəhər sakini, 57 yaşlı N.Əliyev Suraxanı rayonu Hövsan qəsəbəsi ərazisində, Xəzər dənizində qanunsuz balıq ovu ilə məşğul olub.

Yoxlama zamanı ondan 2 ədəd tilovlu qarmaq, balıq tutmaq üçün sintetik tor, "Yamaha-25" markalı mühərriklə təchiz edilmiş qayıq, həmçinin ümumi çəkisi 31 kiloqram olan 35 ədəd kütüm balığı aşkar edilərək maddi sübut kimi götürülüb.

Faktla bağlı Su Nəqliyyatında Polis İdarəsində araşdırma aparılır.

Oxşar xəbərlər

Su polisi qanunsuz balıq ovlayan şəxsi saxlayıb

Lənkəranda adı “Qırmızı kitab”da olan balıqları qanunsuz ovlayan şəxs saxlanılıb

Kür çayında cərəyanla qanunsuz balıq ovlayan 3 nəfər saxlanılıb

Azərbaycanda balıq ovu qadağan edildi

Xəzər dənizində qanunsuz balıq ovu ilə məşğul şübhəli bilinən şəxs müəyyən olunub