Bu il biologiya, kimya, fizika, coğrafiya və informatika fənni müəllimlərinin sertifikatlaşdırma imtahanlarına cəlbi nəzərdə tutulur.

“Sizinxeber.az” xəbər verir ki, bunu elm və təhsil naziri Emin Əmrullayev fevralın 6-da keçirdiyi brifinqdə deyib.

Onun sözlərinə görə, gələn il üçün isə tarix, texnologiya, musiqi, təsviri incəsənət və fiziki tərbiyə üzrə müəllimlər üçün imtahan planlaşdırılır:

"Bununla da 2027-ci ildə artıq bütün fənn müəllimləri sertifikasiyadan keçmiş olacaq".

E.Əmrullayev bildirib ki, 2026-cı ilin sonunadək bütün fənlər üzrə 40 min təhsilverən sertifikatlaşdırma prosesinə cəlb olunacaq.

Nazir xatırladıb ki, 2022-2024-cü illər üzrə 64 min 901 müəllim sertifikasiyaya cəlb olunub:

"Sertifikatlaşdırmada 17 min 426 nəfər yüksək nəticə göstərib. Bundan başqa, 38 min 84 nəfər qənaətbəxş nəticə göstərib. Ümumilikdə 55 min 510 təhsilverənin əməkhaqqına əlavalər edilib".

Samira Abdullayeva, Sevil Seymur

Oxşar xəbərlər

Sentyabrın 9-dan sertifikatlaşdırma prosesinin müsahibələri keçiriləcək

Müəllimlərin sertifikatlaşdırılmasının müsahibə mərhələsinin vaxtı açıqlanıb

Emin Əmrullayev: 2026-cı ilə qədər bağça müəllimlərinin sertifikasiyaya cəlb edilməsi planlaşdırılır

Nazir: Öz fənnini yaxşı bilməyən müəllimlərin direktor olması mümkün deyil

Nazir bağça müəllimlərinin diaqnostik qiymətləndirməsini qənaətbəxş sayır