Avropa İttifaqı Hörmüz boğazının bağlanması nəticəsində yaranan qiymət şokunun təsiri ilə sarsıldığı bir dövrdə belə, “Rusiyanın qapısını döymək” keçmiş səhvlərin təkrarı olardı.

Bu barədə Beynəlxalq Enerji Agentliyinin (IEA) rəhbəri Fatih Birol “Euronews”a verdiyi müsahibədə bildirib.

Onun sözlərinə görə, Rusiyanın enerji sektoruna tətbiq olunan sanksiyaların yumşaldılması Avropa ölkələri üçün böyük səhv olardı.

Avropa Komissiyasının öz hesablamalarına görə, Yaxın Şərqdəki gərginlik neft qiymətlərinin 65% artmasına səbəb olub. Eyni zamanda qaz qiymətləri iki dəfədən çox yüksəlib. Buna baxmayaraq, Brüssel Rusiyanın enerji sektoruna qarşı sanksiyaların, hətta üçüncü ölkələr vasitəsilə belə, yumşaldılacağına dair bütün gözləntiləri rədd edib.

“Rusiyanın qapısını döymək böyük səhv olardı”, - Fatih Birol qeyd edib.

Onun sözlərinə görə, Avropa enerji, xarici siyasət və müdafiə baxımından daha təhlükəsiz olan bir çox digər variantları nəzərdən keçirməlidir.

Oxşar xəbərlər

Fatih Birol: Bu il də enerji səmərəliliyinin iki dəfə artırılması mümkün görünmür

Fatih Birol: 2030-cu ilə qədər qlobal enerji tutumu 2,7 dəfə artacaq

Fatih Birol: Hər kəs bir daha Azərbaycanın etibarlı tərəfdaş olduğunu gördü

Beynəlxalq Enerji Agentliyi: Neft qiymətlərinin artması Türkiyəyə daha az təsir edəcək

ABŞ Rusiyanın enerji sektoruna yeni sanksiyaların tətbiqini nəzərdən keçirir