Naxçıvanda növbəti ildən "Dövlət auditi" proqramı üzrə praktik təlimlər keçiriləcək

"Report"un yerli bürosu xəbər verir ki, bu sözləri Naxçıvanda keçirilən Maliyyə Forumunda çıxışı zamanı Hesablama Palatasının sədri Vüqar Gülməmmədov bildirib.

Onun sözlərinə görə, Hesablama Palatası fəaliyyətində strateji idarəetmə çərçivəsindən (prinsiplərindən) geniş yararlanmağa çalışır: “Bu çərçivənin özəyini təşkil edən Hesablama Palatasının 2021-2025-ci illəri əhatə edən Strateji Planında hədəflərdən biri də maraqlı tərəflərlə əməkdaşlığın genişləndirilməsidir. Bu hədəf üzrə görüləcək ən vacib tədbirlər arasında dövlət orqanları üçün dövlət maliyyəsinin müxtəlif sahələrində təlimlərin keçirilməsi və təcrübənin paylaşılması ilə dəstəyin verilməsidir. Biz bütün maraqlı tərəflərə əlimizdən gələn köməyi etməyi əsirgəməməyə çalışırıq”.

Palata sədri qeyd edib ki, eyni zamanda, gələcəkdə Muxtar Respublikada fəaliyyət göstərəcək kadr potensialının gücləndirilməsi üçün Naxçıvan Dövlət Universiteti ilə əməkdaşlığa başlanılıb.

Oxşar xəbərlər

Vüqar Gülməmmədov: “Naxçıvanda aparılan auditlər bəzi sahələr üzrə irəliləyişlərin olduğunu göstərir”

Hesablama Palatasının saxlanması üçün 2025-ci ildə ayrılacaq vəsaitlərin istiqamətləri açıqlanıb