Bu ilin sonuna qədər Azərbaycanda "yaşıl istiqraz" ("green bond") qanunvericiliyi qüvvəyə minəcək.

"Sizinxeber.az" xəbər verir ki, bunu Azərbaycan Mərkəzi Bankının (AMB) sədri Taleh Kazımov "Bakı İqlim Fəaliyyəti Həftəsi"nin 4-cü günündə bildirib.

Onun sözlərinə görə, "yaşıl istiqraz"lar real sektorun iştirakçılarına maliyyə kanallarını şaxələndirməyə imkan verəcək.

"Yaşıl istiqraz" konsepsiyasına gəldikdə isə banklar kütləvi şəkildə, yekdilliklə və könüllü şəkildə maliyyə öhdəliyi götürüblər. Bu maliyyə xidməti kollektiv şəkildə Azərbaycanda "yaşıl keçid"ə töhfə verəcək. Bu, xüsusilə ev təsərrüfatlarına və kiçik sahibkarlara aiddir", - deyə sədr qeyd edib.

"Dayanıqlı maliyyə nə üçün vacibdir? AMB-nin sədri kimi bildirmək istəyirəm ki, maliyyə stabilliyi olmasa, maliyyə sektoru heç nəyə, o cümlədən "yaşıl keçid"ə dəstək göstərə bilməz", - deyə T.Kazımov əlavə edib.

Oxşar xəbərlər

AMB sədri: Bu il yaşıl istiqrazlar haqqında qanun qüvvəyə minəcək

Taleh Kazımov: Banklar COP-29 zamanı yaşıl keçidlə bağlı öhdəlik götürüblər

Azərbaycan Mərkəzi Bankı "yaşıl gündəliyi" ilə bağlı planlarını açıqlayıb

AMB: Ölkədə "yaşıl maliyyə" ilə bağlı boşluqlar var