2026-ci ilin may ayı ərzində kartlar vasitəsilə həyata keçirilən ölkədaxili nağdsız ödənişlərin həcmi 8 milyard 680 milyon manat təşkil edib.

"Sizinxeber.az-Economics" Azərbaycan Mərkəzi Bankına istinadən xəbər verir ki, ilin əvvəlindən ölkədaxili nağdsız əməliyyatların həcmi keçən ilin müvafiq dövrü ilə müqayisədə 14% artıb.

Ötən ay həyata keçirilən nağdsız ödənişlərin 7 milyard 620 milyon manatı elektron ticarətin payına düşür. Qalan məbləğin 1 milyard 58 milyon manatı POS-terminallar, 2 milyon manatı isə özünə xidmət terminalları və bankomatlar vasitəsilə gerçəkləşdirilib.

Bundan əlavə, banklar və “Azərpoçt” MMC ödəniş xidməti şəbəkələri üzrə dinamik artım müşahidə olunur. Belə ki, ötən ilin may ayının sonu ilə müqayisədə bankomatların sayı 5.1%, POS-terminalların sayı 19.3% artıb.

Oxşar xəbərlər

Ötən ay nağdsız ödənişlərin həcmi 10 mlrd. manata yaxınlaşıb

Azərbaycanda nağdsız ödənişlərin həcmi 1,5 dəfə artıb - Rəqəmlər

Azərbaycanda bank kartlarının sayı 19 milyonu ötüb

Ötən ay Azərbaycanda nağdsız ödənişlərin həcmi 7 mln. manata yaxınlaşıb

Ötən il Azərbaycanda elektron ticarətin həcmi 27 mlrd. manatdan çox artıb