Azərbaycanın sədrliyi altında Asiyada Qarşılıqlı Fəaliyyət və Etimad Tədbirləri üzrə Müşavirə (AQEM) Asiyada dairəvi "yaşıl turizm"i inkişaf etdirməyə hazırdır.

"Sizinxeber.az" xəbər verir ki, bunu AQEM-in baş katibi Kayrat Sarıbay Bakıda keçirilən "AQEM ölkələrində dairəvi "yaşıl turizm" adlı konfransda bildirib.

O vurğulayıb ki, bu konfrans eyni vaxtda həm çağırışa, həm də fürsətə çevrilə bilən turizmin ikili təbiətini xatırladır:

"Yerli icmalar üçün turizm sahəsi gəlir və iş yerləri mənbəyi, kiçik biznes üçün yeni bazarlara çıxış, gənc nəsil üçün bacarıqların əldə edilməsi və fəal iştirak, dövlətlər üçün mədəni diplomatiya və dayanıqlı inkişaf aləti, bütöv qitələr üçün isə əməkdaşlığın dərinləşdirilməsi və qarşılıqlı etimadın möhkəmləndirilməsinə aparan bir yoldur.

Tarixi İpək Yolu xalqları, ticarəti, mədəni ənənələri və ideyaları birləşdirirdi. Dövrümüzdə dayanıqlıq prinsiplərinə, rəqəmsal innovasiyalara, məsuliyyətli qarşılıqlı fəaliyyətə, yerli əhali üçün dəyər yaradılmasına və ətraf mühitin mühafizəsinə əsaslanan yenilənmiş turizm İpək Yoluna ehtiyac var. Azərbaycanın sədrliyi altında AQEM bu gündəliyin təşviqi məqsədilə üzv dövlətlər, tərəfdaş təşkilatlar, turizm institutları və özəl sektorun nümayəndələri ilə əməkdaşlığa hazırdır".

Oxşar xəbərlər

Fuad Nağıyev: "Dairəvi "yaşıl turizm" bu sənayenin inkişafını müəyyən edən aktual yanaşmalardan biridir"

Şri-Lanka rəsmisi: "Yaşıl dairəvi turizm" ən perspektivli modellərdən biri sayılır"

Dövlət Turizm Agentliyinin sədri: "Turizmdə uğur artıq turist sayı ilə ölçülmür"

Kayrat Sarıbay: “Azərbaycan AQEM çərçivəsində Qadınlar Şurasının yaradılmasını istəyir”

Kayrat Sarıbay: “AQEM Azərbaycanın sədrliyi ilə dayanıqlı inkişaf trayektoriyasına daxil olacaq"