ABŞ ordusu İran tərəfindən buraxıldığı iddia edilən raket və pilotsuz uçuş aparatlarını ələ keçirdikdən sonra Qeşm adasında yerüstü idarəetmə mərkəzinə zərbələr endirib.

"Sizinxeber.az" xəbər verir ki, bu barədə ABŞ Mərkəzi Komandanlığı (CENTCOM) məlumat yayıb.

"ABŞ ordusu iyunun 2-də Yaxın Şərqdə İranın hücumlarına cavab olaraq özünümüdafiə məqsədilə bir neçə ballistik raketi, eləcə də dronları uğurla vurub", - deyə bəyanatda bildirilib.

Komandanlıq bildirib ki, İran beş raket atıb və heç biri hədəflərə dəyməyib, ABŞ ordusu da üç dronu vurub: "ABŞ ordusu həmçinin Qeşm adasında yerüstü idarəetmə mərkəzinə zərbələr endirib".

İslam İnqilabı Keşikçiləri Korpusu isə ABŞ-nin Qeşm adasındakı İran hərbi obyektinə endirdiyi zərbələrə cavab olaraq Bəhreyndə ABŞ Hərbi Dəniz Qüvvələrinin Beşinci Donanmasının qərargahına, eləcə də regional ölkədəki Amerika hava bazasına raket və pilotsuz uçuş aparatları ilə hücumlar həyata keçirib. Qeyd olunub ki, korpus Hörmüz boğazı yaxınlığında İran neft tankerinə endirilən zərbəyə cavab olaraq ABŞ-a bağlı gəmiyə hücum edib.

Oxşar xəbərlər

ABŞ Qəşm adasında yerləşən İran hərbi obyektinə zərbə endirib

SEPAH BƏƏ və Küveytdəki hərbi bazalara raket zərbələri endirib

İran İsrail HHQ-nin "Təl-Nof" bazasına zərbələr endirib

İsrail İranın qərbində raket və pilotsuz təyyarələrin saxlandığı yerlərə zərbələr endirib

ABŞ İrana zərbələr endirdi